Крстески: Чувањето на документите не е според стандардите – решавањето на тоа прашање е ургентно
Државниот архив одбележува 70 години постоење oткако во 1951 година Народното собрание на НР Македонија го усвоило Законот за државните архиви со кој било поставено создавањето на тогашниот Државен архив на НР Македонија. Низ седумте декади, Архивот се градеше како еден од столбовите на македонската државност и ризница на колективната меморија.
По повод овој јубилеј промовирана е и монографијата „Печат на времето – 70 години Државен архив (1951 – 2021)“, во која е презентиран историскиот развој на Државниот архив низ најзначајни фотографии и документи со кои тој располага. Исто така, промовиран е и зборникот „Првите луѓе на Државниот архив (1951 – 2021)“.
Во разговор за Утрински брифинг директорот на Архивот Емил Крстески вели дека Архивот се стреми кон дигитализација на целиот материјал со што не само што би се заштитиле материјалите и документите, туку тие би станале многу подостапни за сите оние кои се интересираат за историјата на нашата земја.
Оттука сакам да посочам дека како претставник на владата во процесот на сукцесијата на архивската граѓа, неколку пати учествував на состаноици со моите колеги од поранешна Југославија. Во анексот Д што се однесува на сукцесијата на архивската граѓа имаме недовршена работа и треба да се дигитализира целиот материјал што се наоѓа во Белград.
Ние имаме многу документи од османлискиот период од времето на Илинденското востание. Познато е дека на Балканот имаме заеднички херои, личности. Измешани се историите на целиот Балкан. Отоврени сме за соработка со сите и стоиме на располагање да се користат нашите материјали, бидејќи тоа се документи кои сведочат за нашето минатото, постоење, и се несоборлив факт во докажувањето на вистината. Мислам дека сме од полза на Институтот за национална историја, за преговарачкиот тим со Бугарија и ги користат тие документи. Имаме и добра соработка со Бугарскиот Архив. Планираме да објавиме и писма и документи на Гоце Делчев. Имаме околу 33 негови оригинални писма, во кои тој се потпишув асо псевдонимот „Ахил“. Сето ова заедно може да го објавиме во една книга.
Целиот разговор погледнете го во видеото