Маглешов за УБ: Естрадниот елемент не смее да биде суштината на известувањето од судниците

Одговорот не може да биде едноставен, односно дека е на линија што очекува јавноста да прочита. Медиумите се тие кои што ја генерираат публиката, односно впечатокот за тоа какви треба да бидат содржините, но она што е важно е дека ако вие, претпоставено, си дозволите повеќе време да направите подетална анализа на тоа што се случува, вашиот текст, односно вашата анализа ќе биде објавена меѓу последните.

– Тоа подразбира дека во една цела центрифуга, интернет порталите ќе иаат пренесено што се случува на самото судење. Во дневното новинарство нема толку простор за истражувања, анализи од посуштински тип како штое тоа во други форми на истражување. Во секој случај треба да ги ревидираме во еден дел она што е известено од судниците. Не е вест, овој рече ова, овој рече тоа.

Ако ја гледате статистиката, естрадниот елемент во судниците е најчитан. Борбата за кликови е се поприсутно, но тоа не смее да биде суштината на известувањето од судниците, околу начинот како медиумите ги пренесуваат судските настани, бидејќи се добива впечаток дека новинарите известуваат премногу телеграфски.