Максути: Тврдам, а имам и документи за тоа, во подрачната единица во Кратово никој се нема обратено за помош

За жал прв пат за настанот со овчарот од Кратовски, лично дознав преку социјалните мрежи. Никој не побарал помош од било кого од Дирекцијата, ниту во Скопје, ниту во подрачната единица во Кратово. Процедурите се јасни. Нема никаква двојба во однос на тоа кој, како треба да информира, но очигледно е направен превид, не би сакал да посочам било кого, но ние не можеме да треагираме ако немаме информација. Барањето за помош може да стигне преку институциите или пак лично од било кој граѓанин на нашата држава кој е затекнат. Јас најодговорно ви тврдам, а имам и документи за тоа, од подрачното одделение во Кратово никој се нема обратено за помош, изјави во Утрински брифинг Беким Максути, директор на Дирекција за заштита и спасување.

Ако веќе се бара одговорност, треба да се запрашем зошто ние не сме биле информирани. Во рок од еден час сигурно ќе бевме спремни и заминати. Но ние не сме биле воопшто информирани. Ова најодоговрно го тврдам и спремен сум да сносам одоговрност – од нас никој не побарал помош. Не е во ред да се трга со претпоставки. Од завчера имаме еден друг случај – во Крива паланка, каде навреме бевме информирани и заедно со други институции вршиме предмет на терен, односно побаруваме изгубена жена. Сличен настан имавме и во Преспанско, роднина на изгубениот се пбрати кај нас и ние пуштивме тим, вели Максути.

Целиот разговор погледнете го во видеото