МАЛА – нов креативен простор за млади уметници
Четворица млади креативци, тројца архитекти и една модна дизајнерка денеска во Скопје промовираат нов креативен центар, МАЛА, наменет за сите кои сакаат таму да организираат изложба, презентација или пак некаква работилница.
– Овој простор го создадовме ние четворица, но истиот не е наменет исклучиво за нас. Имаме годишен динамичен план според кој ќе се раководиме и истиот дополнително ќе го презентираме, рече денеска во Утрински брифинг, Силвија Шалева.
![](https://slobodenpecat.tv/wp-content/uploads/2021/10/IZJAVA.01_46_12_16.Still535-1024x576.jpg)
Ерик Јурушевич кој живее во Словенија вели дека со отворањето на МАЛА сакале на Скопје да му подарат простор каков што му недостасувал, а каков што имаат сите европски градови, место за креативно дејствување на младите.
– Ние четворицата постојано патуваме низ Европа и таму гледаме многу слични вакви креативни простори. Сите се согласивме дека токму на Скопје му недостасува едно креативно катче, и веднаш започнавме со реализација на идејата, објаснува Ерик, кој инаку заедно со Силвија и Мирјана се дел од архитектонското студио Контра.
![](https://slobodenpecat.tv/wp-content/uploads/2021/10/IZJAVA.01_42_52_20.Still533-1024x576.jpg)
– Скопје е прекрасен град, нуди многу можности, многу не инспирира во секој поглед и затоа решивме да се прикажаме на оваа сцена, рече Мирјана Лозановска, која оваа година ја пртставувала Унгарија на Венециското биенале, заедно со останатите од тимот на архитекти.
Спојот на мода и архитектура во Скопје за мене е од посебно значење. За последната колекција бев инспирирана од архитектурата односно од нивниот павиљон во Венеција. Колекцијата беше прикажана на Експо 30 во Скопје. Тоа беше и убав начин да го отвориме и нашио мал простор, кој се надевам дека убаво ќе се вклопи во целокупното урбано живеење во градот, вели модната дизајнерка Евгенија Зафировска.