Матеска: „Провери па купи“ – платформа за борба против сивата онлајн економија

Со оглед дека се поголем замав зема онлајн трговијата особено изминативе две години во услови на пандемија, на пазарот се појавија голем број интернет продавници.

Дел од нив чесно си го заработуваат лебот, но има и такви кои го нарушуваат нивниот угледот со лоша услуга, често со оштетени производи, но некогаш и со измамени потрошувачи.

Крајно време беше да се стави крај на ваквите препродавачи кои длабоко навлегуваат во просторот на сивата економија. За ваквиот проблем претходно во Утрински брифинг реагираа и од Организацијата за заштита на потрошувачи, но одговор побаравме и од Државниот пазарен инспекторат.

И од двете страни одговорот беше засега тешко се влегува во трагата особено кога станува збор за интернет продавници на Фејсбук.

Но на крајот од денот светла точка. Четири студентки со здружени сили понудија решение на овој проблем кој пак беше награден како еден од најдобрите три на онлајн Хакатон во организација на Асоцијацијата за е-трговија на Македонија.

Создадоа платформа наречена „Провери па купи“ која дава надеж дека конечно ќе се стави ред во овој бизнис. На оваа тема во Утрински брифинг разговаравме со еден од четворицата иноватори, Ана Матеска студент на Факултетот за информатички науки и компјутерско инженерство-ФИНКИ.

-Целта на „Провери па купи“ е да ги поттикнеме луѓето да проверат од кого купуваат пред да купат со цел да се избегне сивата економија во е-тргововијата.

-На нашата платформа прикажана е база од сите трговци кои продаваат онлајн и се дел од регистерот на е-трговци и имаат имплементирано е-плаќање.

-Со тоа корисниците се информираат од кого да купат и ќе бидат заштитени потрошувачките права.

-Ова пребарување поже да се направи на многу едноставен начин – само впишување нана името на компанијата и името на веб странта, а исто така нудиме и пребарување по категорија, вели Матевска.

Целиот разговор погледнете го во видеото