Маја Бабиќ: Организаторите на настани бараат фер и првична помош за спас на нивната дејност
Членките на Асоцијацијата ИВАП кои се директно вклучени во индустријата за организација на настани се крајно разочарани и револтирани од објавените мерки од петтиот пакет за помош објавени од Владата на РСМ.
„Како здружение на организатори на настани уште од март минатата година, предупредувавме дека оваа индустрија ќе биде меѓу најголемите губитници поради пандемијата, не само кај нас туку и во светот, бидејќи јавните собирања се забранети. Имавме средби и со премиерот и со претставници од владата и укажувавме дека ќе дојдеме до ова дереџе, односно дека ќе фрлиме во вода голем број фирми доколку не се изнајде решение. Разговаравме со вицепремиерот Битиќи и имавме впечаток дека сме разбрани, но потоа видовме дека е направен пакет за помош на оваа дејност, за кој никој не знае како ќе спроведе, односно тоа го знаат само во владата. Од сите критериуми што ги понудивме – ништо не е прифатено. Од владата велат: ќе им дадеме на компаниите што се занимаваат со оаа дејност да прват настани за државата и тука застанува целата работа. Велат – ќе има конкурс, со што се отвори и едно друго прашање, а тоа е дека секако дека организирањето на државните настани треба да се понуди на фирмите од оваа дејност, бидејќи се поставува прашањето кој досега ги организирал овие настани, тема што ние како Асоцијација ја оставивме за времето по короната.
Ако оваа мерка е да конкурираме за организација на значајни државни настани, тогаш дали е тоа помош? Она што ние го бараме е правично и фер распределување на помош за компаниите. Ние не баравме гратис пари, предложивме неколку критериуми. Еден од нив беше фирмата да покаже дека има најмалку 60 отсто пад на прометот, бидејќи ние не сме затворено по своја волја, туку со уредба на владата. Понудивме и фирмите како критериум да докажат дека работат во ивент индустријата, да покажат дека имаат платени даноци итн“, вели за Утрински брифинг, Мака Бабиќ, претседателка на Асоцијацијата на ИВАП.
Таа додава дека јавноста мора да знае дека помош каква што бараат овие фирми веќе добиле ноќните клубови, превозниците, детските игротеки, школите за срански јазици.