Медицинските сестри од Здравствен дом Скопје откако добија кратка обука, се подготвени за апликација на вакцините Фајзер

Елизабета Ефремовска и Маријана Којчева се медицински сестри од Здравствен дом Скопје кои се дел од тимот за спроведување на вакцинацијата.

-Подготвени сме и чекаме да започне вакцинацијата. Имавме мала обука бидејќи станува збор за специфична вакцина, од аспект на растворање и чување, бидејќи вакцината треба да се чува на температура од минус 30 до минус 70 степени. Тоа е голем проблем бидејќи следува процедура на одмрзнување за точно определено време. Дополнотелно, од едно шишенце се раствораат шест вакцини. Имавме проби и веќе го совладавме процесот, рече Елизабета во Утрински брифинг.

Термините ќе се закажуваат на 15 минути, но во еден термин ќе бидат закажани шест пациенти. Маријана вели дека тие нема да бидат опфатени во првата фаза на вакцинација бидејќи не се во директен контакт со ковид пациенти, но се пријавиле за вакцинација и ги охрабрува и останатите граѓани да не бидат скептични и да се вакцинираат.