Минов: Собирањето потписи од страна на опозицијата не е во согласност со законот

Прашањето за предлагачката надлежност на десет илјади потписи со кои граѓаните предлагаат донесување или поништување на закон е регулирано со Закон.

Кон собирање на потписи може да се пристапи откако прво ќе биде исполнет условот со кој се предвидува исполнување на иницијативниот услов на сто граѓани потписници преку Собранието да се отвори постапка на собирање потписи пред надлежен орган на Министерството за правда во содветни простории согласно официјалните списоци на избирачи.

Ова што се прави од страна на опозицијата не е во согласност со законот и истото најверојатно има за цел да се изрази граѓанскиот револт на дел од бирачите по однос на тоа што се и ставови на ВМРО – ДПМНЕ како опозиција по донесениот Закон и престојното одржување на пописот.

Јасно е дека ова не е законско собирање но ќе биде еден индикатор на податоци колкав број на граѓано во организација на оваа партија како опозиција се изјаснуваат дека се против одржувањето на пописот, вели за Собраниски брифинг на Утрински брифинг пратеникот од пратеничката група на СДСМ, Панчо Минов.