Митровски: Поголемите партии не зборуваат за канабисот бидејќи не им носи гласови кај постарите генерации
Да не беше пандемијата со корона вирусот, во април месец ќе се случуваше редовниот Коноп фест во организација на здружението Билка, за употреба на канабисот за медицински цели или лична употреба.
Во однос на декриминализацијата на канабисот, основачот на Билка, Јанаки Митровски, во Утрински брифинг изјави дека кај нас е парадоксална состојбата.
„Четири години откога е донесен Законот за медицинска употреба на канабис, тој е недоречен и во основа нефункционален. Имаше обид законот да се доработи, а главно нашите политички елити не се заинтересирани. Факт е дека овој закон не ги остварува целите за кои е донесен и не им служи на оние на кои им треба, бидејќи на самиот старт беше донесен на пример Правилник од Министерството за здравство кои целни групи (мултиплекс склероза, канцер, епилепсија, ХИВ) може да го користат канабисот за медицинск цели и оттогаш наваму тоа не е ревидирано“, вели Митровски.
![](https://slobodenpecat.tv/wp-content/uploads/2020/04/JANAKI-1024x576.jpg)
Незаинтересираноста на политичките партии, смета Митровски, се должи на интересирите на партиите за своите гласови во услови кога за постарите ова е табу тема, а се уште се води и негативна кампања против билката.
„Во својата програма три партии ја имаат инкорпорирано легализацијата на кабанисот. ДОМ, ЛДП и Левица. Недостатокот на волја кај поголемите политички партии говори многу кога пред избори се зборува едно, а кога се доаѓа на власт се однесуваат поинаку. Изборните штабови сигурно прават калкулации, а кај постарите генерации ова се уште е табу тема. Едно поради тие гласови, а и поради бизнис интересите на одредени моќници кои се занимаваат со овој бизнис. Важно е да се напомене дека кај нас поради недоречени законски и подзаконски решенија се уште не се остварува профит иако се прави кампања дека е бизнис од ој многу се заработува“, вели тој.
![](https://slobodenpecat.tv/wp-content/uploads/2020/04/JANAKI-2-1024x576.jpg)
Билка како и други здруженија кои се се борат за легализација за рекреативни цели и декриминализација за медицински цели, се против пропагандата дека со легалзацијата ќе дојде до масовна експлозија на употреба наркотични средства, а меѓу другото, Јанаки Митровски смета дека тоа се должи на неинформираноста кај луѓето но и лобирањето од фармацевтските компании кои би биле најпогодени од легализацијата.