Михајловски: За жал кај нас медот не е веќе примарен производ на пчелите

Медот од аспект на пчеларството, медопроизводството, можноста и шансите за вработување е темата за која во Утрински брифинг говореше Александар Михајловски, пчелар.

Одржувам околу стотина пчелни сандаци, а бев инициран од моето здравје.

Сакав да си го користам за себе, да знам како е произведен, вели во Утрински брифинг, Александар Михајловски, пчелар.

Според моето искуство пчеларството во Македонија не е исплатливо. Повеќе од 30 години сум пчелар. Доколку нема поддршка, субвенции од страна и сме оставени сами на себе, ние сме непродуктивни и непрофитабилни.

Но профитот може да се оствари на разни други начини, преку производство и употреба на пчелите за производство на други пчелни производи како што се коњуктурниот пчелен отров, прополис, полен. Медот сега доаѓа на секундарен план, не е веќе примарен производ на пчелите.