Морачанин: Имаме голем напредок, но кадрите кои што вршат инспекции се недоволно стручни
По поканата јавно презентирана од страна на СДСМ, ЦО на ДОМ одлучи да разговара и по преговорите да го информираме ЦО за да ја донесеме конечната одлука.
Две клучни работи се битни – реализирање на програмските определби и персоналните решенија, изјави за Утрински брифинг, пратеничката на ДОМ, Маја Морачанинм за можната коалиција со СДСМ.
-Од ДОМ сме две пратенички. Направивме големи исчекори, посебно на законот за Урбано зеленило, како и затворање на рудниците во Казан дол и Иловица. Исто така и носењето на законот за минерални суровини. Сите овие закони се предложени од нас и добија поддршка за да бидат спроведени.
Клучна е контролата на индустриските капацитети
Еден од најгорливите проблеми е загадувањето. Европските „Зелени“ се задоволни од она што ДОМ и Владата го прават и ни даваат целосна поддршка. Тоа и јавно го изразија. Велат дека се фасцинирани од тоа колку многу работите се смениле во Македонија и правецот по кој се движиме. Дадоа поддршка и за склучувањето на договорите со Бугарија и Грција. За Македонија велат дека во најкус рок треба да се започнат преговорите со ЕУ.
„Тие и до сега користеа нафтен кокс и таков вид на фосулни горива. Не е тоа ништо ново. Не знам во моментов што користат, но знам дека кога го предложивме законот ние се уште не изградивме капацитети да вршиме ефикасника контрола на увозот на отпад и контрола при соговорување и емисијата на штетни гасови. Сметам дека ова решение беше неопходно за да се заштитиме од еден дел од загадувањето. изјави Морачанин околу Цементарница „Усје“ и примораноста да горат нафта и јаглен, како реакција на тоа дека отпадот кој е увезуван до сега не е опасен.
Конечно почна да се третира тоа старо индустриско загадување. Многу често ја отвораме оваа тема. Неколку фактори се клучни. Сметаме дека треба да се направи ревизија на А интегрираните дозволи и заострување на критериумите. Она што е клучно е контролата на индустриските капацитети.
Кадрите кои што вршат инспекции се недоволно стручни. Потфрлуваме на три нивоа – финансиски, (но одлично е што министерката за финаснии ни го прифати последниот предложен амандман околу оваа точка, немаме своја акредитирана лабораторија) техничкиот капацитет и кадрите и нивната стручност, интегритет и чесност, вели Морачанин.