Начевски за Скопски агол: Време е „Дрисла“ да стане вистинска санитарна депонија

Советот на град Скопје додели на депонијата Дрисла 20 милиони денари заради потешкотии на работењето на Јавното претпријатие. Средствата се за сервисирање на тековни обврски и за да не дојде до прекин во работењето, изјави за Скопски агол директорот на Јавното претпријатие Дрисла Коста Начевски.

– Дојдовме до ситуација и платата да ја сервисиравме. Дента кога го направив примопредавањето со поранешниот директор Горан Ангелов истиот ден дојдоа три блокади од три фирми. Тоа значи дека парите наменски ќе се трошат, додаде Начевски.

Рано е да кажам дали често ќе бидеме субвенционирани од страна на градот. Идејата ни е да депонијата ја насочиме да стане вистинска санитарна депонија. Скопјани да бидат спокојни и мирни дека она што ќе се третира од скопскиот отпад во „Дрисла“ ќе се тредитра адекватно согласно сите ЕУ директиви.

– Главен приоритет ни е да инсталираме линија за собирање на на депонисиот гас, негова преработка и производство на електрична енергија со што би се стекнале со зелена енергија со одлична тарифа. Така депонијата би станала ликвидна.

– Вториот приоритет ни е селектирање на ПЕТ амбалажата што е 7 илјади на годишно ниво.

– Третиот проект ни е прочистителна станица за третирање на депониските води и останатите флуиди кои ние имаме право да ги третираме во нашата депонија, изјави за Скопски агол на утрински брифинг, Коста Начевски, директор на ЈП „Дрисла“.