? Најчевска: Во казнената политика да се предвидат казни кои што ќе бидат правопропорционални на висината на функцијата
-Во основата на Твоја партија е концептот за човекови права а не само борбата за човековите права. Она од што почнавме е дека партијата не е јасно идеолошки определена. Партијата повеќе личи на шарена партија – многу хетерогено од аспект на идеолошкиот бекграунд и иделошките заложби на членовите на партијата и заради тоа имаме доста лево-ориентирани членови, како што сум јас, има членови кои се повеќе кон центарот, па и десно ориентирани, изјави во Утрински брифинг универзитетската професорка Мирјана Најлевска од Твоја партија.
![](https://slobodenpecat.tv/wp-content/uploads/2020/07/нај.jpg)
-Ние решивме дека требад а се себереме околу неколку заеднички именители. Неколку точки за кои што сметаме дека не поврзуваат, независно од нашата идеолошка определба и за кои што сметаме дека вреди човек да се впушти во политичката трка. Една од тие точки околу кои што се собравме, веројатно и најважната е животната срединаи тргнавме од ставот дека животната средина во Македонија е мртва и дека всушност на неа сега и е потребна реанимација.
![](https://slobodenpecat.tv/wp-content/uploads/2020/07/нај3.jpg)
-Реанимирањето на животната средина е во основа на делувањето на партијата при што особено сме спремни да се фатиме во костец со оние моќници кои што овозможуваат, дозволуваат или учествуваатво убивањето на животната средина, изјави Најчевска и додаде дека делувањето во однос оживувањето на животна средина не треба да започне од секој граѓанин, туку пред се од оние големи загадувачи.
-Главниот проблем според нас е проблемот на големото загадување и неискористувањето на новите енергенси кои ни стојат на располагање.
![](https://slobodenpecat.tv/wp-content/uploads/2020/07/нај2.jpg)
-Генералниот проблем е во партизација на државата. Кај нас законите не се во примена на правото туку тие се прават по мерка на тој кој што е на власт и заради тоа веројатно имаме најголем процент на закони сменети по скратена постапка, без учество на јавноста, без расправи, без вклучување на експерти во нивното функционирање. Значи кај нас се се прави според закон, заради тоа што законите се прават за оние кои што треба да ги штитат.
![](https://slobodenpecat.tv/wp-content/uploads/2020/07/нај1.jpg)
Најпросто кажано, доколку некој сака да украде нешто, тогаш ќе направи закон со кој што е дозволено крадење на тоа нешто и така автоматски ќе рече дека се е законски. Точно е дека е според закон, меѓутоа не е точно дека е според право и дека на тој начин може да се оправда секое дело кое што е спротивно на интересите на граѓаните. Она против што ние се бориме е менувањето на законите на начин на кој што сега се менуваат, заради тоа што тие ја прават државата по мерка на политичирати наместо по мерка на граѓаните, вели Најчевска и додава дека потребна е поголема одговорност на политичарите.
-Во казнената политика треба да се предвидат казни кои што ќе бидат правопропорционални на висината на функцијата. Колку има повисока функција толку треба да биде поголема казната и поголема одговорноста, изјави Најчевска.