Николовски за УБ: Детектирани се сите слабости, најдоцна во март Акциски план за борба против корупцијата

Во овие четири месеци се детектирани сите слабости во нашето општество и сите извештаи и сето она што се говори деновиве, говори дека сме ја погодиле целта со формирањето на еден ваков инструмент, изјави во Утрински брифинг Љупчо Николовски, вицепремиер за борба против корупција, одржлив развој и човечки ресурси и додава дека оваа Влада ги отвара темите кои што досега никогаш не биле отворени.

Четири месеци поминавме во детектирање на состојбите. Кога тргаме, тргаме од нефункционалноста н аинституциите. Првата работа ако не ја репшиме нема да ги решиме останатите. Ако клучните антикорупциски институции не работат заедно, без влијание на човечкиот фактор, нема синхронизирана размена на податоци, тогаш кои резултати да ги очекуваме? Секако како клучни тематитки се јавните набавки, вработувањата, ситната корупција која е резултат на менталитетот, вели Николовски.

Добро е што за прв пат имаме оценки дека ДКСК не е под закрила и контрола на власта и тоа е еден огромен напредок, кој досега не сме го имале. Се она што правевме овој период е да ги обезбедиме сите услови за ДКСК, со дупло зголемен буџет, со решен проблем за софтверското решени, за да имаме електоронски регистар и можност д асе поднесуваат пријавите. Проссторот не бил решен две години, но и тоа го решивме со обезбедување на соодветен простор. И сега многу работи кои и во последниве 30 години не биле направени, а сега се отворени и има полиичка волја за нивно решавање и сакаме да ги отовриме темите за кои никој не зборувал во минатото, излегува да на некого му смета. Им сметаме на криминалното структури во судството, на сваровски судиите кои сакат државата да ја држат заробена.

Кога јас денес сум дел од оваа влада и ја имам таа обврска да ги кординирам соодветните процеси јас ги отворам сите прашања кои три децении ниту биле отворени, ниту пак се најдени решенија. Тимот е составен од четворица луѓе, ставени во фунција на сите институции кои се антикорупциски. Вчера имавме подолг состанок со премиерот, на кој што она што е детектирано му го презентиравме на Заев и сето тоа врз база на анализи, со понудени решенија. Договорена е тематска седница на Владата, акциски план за широк фронт кој на крајот треба да добие поддршка од сите чинители доколку сакаме да ги промениме работите. Имплементација и конкретни задолженија за сите институции кои ќе го добијат акцискиот план. Значи борбата против корупцијата е на врвот од нашата агенда – значи прочистување, филтрацијата во судството, селективната првада, вели Николовски.

Клучен фокус се става и кај истражните центри, заради тоа што иаме само четири половични, немаме стручни соработници, нема доволен број на обвинители. Се ова ќе се содржи во планот, кој што ќе дава и конкретни задачи и обврски за институциите и самата Влада, дека треба после три децении да се обезбедат овие работи, за да имаме ефикасни постапки и правда, смета Николовски.

Деновиве имаме средби со останите партнери – граѓанските организации. Ќе ги вградиме сите забелешки и препораки и најдоцна до почетокот на март ќе го имаме акцискиот план за борба против корупцијата. Детектирани се сите слабости, додаде Николовски.

Целиот разговор со вицепремиерот за борба против корупција, одржлив развој и човечки ресурси, Љупчо Николовски, погледнете го во видеото.