? Николовски: Нашето знаме гордо се вее пред седиштето на НАТО – придобивките од членството се огромни

Програмата на нашата партија се совпаѓа со онаа на СДСМ. Јас немаше да се занимавам со политика доколку не постоеше режимот на Груевски. Како учесник на Шарената револуција се борев да го срушиме тој режим. Груевски сега го нема, но груевизмот е присутен во нашата земја. нема промена на политиката, дури и во некои сфери се порадикални. Тој дава насоки од Будимпешта кои сегашниот лидер ги имплементира, изјави за Утрински брифинг Илија Николовски, лидер на Партија на обединети пензионери и граѓани на Македонија.

-ВМРО-ДПМНЕ се нема изјаснето за евро-атлантските организации. Место да се радуваат тие мизерно се однесуваа и се што правеа е да ја закочат земјава и се радуваа на секоја слабост место да се трудат и они да помогнат на државата.

-Со СДСМ успеавме да се усогласиме за пензиите. И оние кои беа дискриминирани и омаловажени сега веќе не се. Кога мислеа дека тоа е утопија ние го донесовме законот за усогласување на пензиите, и тоа благодарение на разбирањето што го имавме кај Спасовски и Заев. Успеавме да ги усогласиме пензиите и дел од припадниците на армијата кои заминале со 25 години стаж. Сето ова е благодарение на министерката Шекеринска. Успеавме да го вратиме членот 37 од законот за пензиско осигурување кој беше елиминиран од претходната власт.

-За време на режимот јас велев дека пензионерите се најизманипулирана категорија. Сега веќе не е така. Точно е дека се ниски пензиите, но тие се повисоки од оние во Бугарија како земја членка на ЕУ, БиХ, Албанија, Косово и Србија, изјави за Утрински брифинг Илија Николовски, лидер на Партија на обединети пензионери и граѓани на Македонија.