Николовски: Ова нема да е униформен состав на пратеници на ВМРО – ДПМНЕ – ќе видите поразлична работа на пратеничката група

Господинот Бишевац е претставник на Бошњачката зедница во Македонија. Заеднички предлог е на ВМРО-ДПМНЕ, на неколку здруженија на Бошњаци во Македонија и партијата СДА која долги години е во коалиција со ВМРО-ДПМНЕ и ако сите се согласуваат дека тој човек треба да е нивни претставник во Собранието ние можеме само тоа да го прифатиме.

Самиот факт што еден човек кој што во минатото го критикувал претходното раководство на ВМРО-ДПМНЕ, се препознава во ова раководство, само говори дека реформата во партијата е на добар пат. Штом сме на иста листа значи дека сме се усогласиле со програмата.

Но има уште една новина – ова нема да е униформен состав на пратеници на ВМРО – ДПМНЕ. Ќе видите поразлична работа на пратеничката група, изјави во Утрински брифинг Александар Николовски, потпретседател на ВМРО-ДПМНЕ.