Од денеска „Седма сила“ дел од Утрински брифинг

„Седма сила“ ќе биде дополнителна категорија од една мини дебата, која ќе трае не подолго од половина час. Самото име асоцира дека гости во во оваа мини дебата, од 10:00 до 10:30 часот ќе бидат новинари, колумнисти, луѓе кои што имаат влијание во креирањето на јавното мнение и би говореле за актуелни теми кои што во Утрински брифинг веќе се отворени и така на еден начин би се направило заокружување на она што било тема во Утрински брифинг, изјави новинарот Љубиша Николовски.

– Идејата е да создадеме севкупна слика на политичката прилика во Македонија, вклучувајќи и теми од меѓуетничките односи, животот на политичките партии, но и дел од она што се случува во светот како и тенденцијата на Македонија да стане дел од ЕУ и НАТО, додаде Николовски.