Од НУК незадоволни од мерките за помош, бараат и враќање на работното време на објектите како што е утврдено со закон

Владата со донесената прва мерка од петтиот антикризен пакет им подари на „локомотивите“ – членки на Стопанската комора на Македонија 162,4 милиони евра, а на угостителите и натаму неосновано и неоправдано со времена одлука им го цепка и ограничува работното време и правото на работа, реагираше Независната угостителска комора (НУК).

Според НУК, при крај е трпението на угостителите кои чекаат време и покана за работна средба со Владата на која и даваат рок до 25 јануари да ги усвои нивните барања за креирање посебни мерки за директна помош и поддршка на угостителската индустрија. Тие велат дека „сите индустрии добиле поддршка и помош од постојните сет економски мерки, само за угостителската континуирано се носат препораки и протоколи со ограничувања за работно време“.

Вицепемиерот задолжен за економска политика вели дека тоа не е точно.

Според Битиќи, уште во првиот и вториот актикризен пакет имало мерки насочени само кон угостителскиот сектор и оти само во делот на мерката за финансиска поддршка процентуално гледано искористеноста во овој сектор е солидна.

Гостин во Утрински брифинг беше претседателот на НУК, Здравко Јосифовски.

–Поголем проблем ќе настане со работата до 21 часот од што ќе има бенефит. Ќе има проблеми со смените, што значи работното време не смее да биде пречка, затоа што суштината заради која што беше работното време не постои, односно ДПИ сега има зголемени ингеренции и можат слободно да казнуваат. Затоа подобро ќе беше работното време да се врати како што беше претходно, утврдено со Закон за угостителска дејност, вели Јосифовски.

Владата повторно сака да врши цепкаање на работното време. Велат до 23, па до 24 часот, значи нема никаква логика во овие претумбации.

Целиот разговор погледнете го во видеото