Османи за УБ: И ЕК бара Законот за јазици да не се менува

Не сме само ние. И ЕК бара законот за јазици да не се менува, бидејќи е тешко постигнат и треба внимателно да се работи за имплементација на истиот. Таму има една транзиторна одредба од една година за подготвување на капацитети. Таа една година уште не е помината, бидејќи се смета од моментот кога е објавен во Службен весник, а не кога е донесен и од март месец завршува таа транзиторна фаза. Така што ние уште работиме на градба на капацитети на усогласување на другите закони со овој базичен закон. Одиме во добар правец – формирана е агенција за јазици, инспекторат, во голем дел институциите веќе комуницираат двојазично, рече вицепремиерот Османи околу изјавата на техничкиот премиер Оливер Спасовски дека законот за јазиците е на добар пат.