Османи: Нема силна Унија без Балканот – „Преспа форумот“ е проект за европеизација на регионот, тесно-партиските интереси не смеат да го нарушат изградениот државен консензус
На „Преспа Форумот“ работевме доста време за да создадеме една платформа каде што ќе се покаже нашата приказна пред светот и мислам дека и по однос на одзивот на луѓето кои што дојдоа да покажат почит кон нашата приказна, но и да ги дадат пораките за тоа што се случува по однос на нашето досие, по однос на целиот Западен Балкан, некако ние стануваме платформа низ која што зборува регионот пред ЕУ, пред светот, а сето тоа е создадено преку кредибилитетот на нашата приказна, но и разбирањето на моментот и добрата организација, изјави во Утрински брифинг министерот за надворешни работи, Бујар Османи.
Од Грција беше заменик министерот за надворешни работи, но имаше и претставник од бугарското МНР, директорот за билалтерални односни. Се разбира Бугарија е пред избори и не можам да кажам дали е тоа порака што не беше министерот иако тој лично ми се извини што не може да дојде поради изборите таму. Но во секој случај огромното присуство на високи претставници од регионот, САД, ЕУ, зборува за фактот дека Северна Македонија ја ставивме сериозно на мапата на вакви меѓународни конференции преку кои регионот се обраќа до светот.
Мислам дека тоа што некогаш земјите од регионот зборуваат критички кон ЕУ е затоа што чувствуваат емоција, затоа што сакаат ЕУ, ианку кога не би ја сакале би ја игнорирале, не би се впуштале во критички коментари. Основната порака беше дека географски, историски и политички Балканот нема алтернатива освен да биде дел од ЕУ, односно дека тоа е парчето кое фали за да Европа биде комплетна, вели Османи и додава дека регионалната соработка е клучен тест за тоа дали регионот е зрел да продолжи понатаму во големата Унија.
Говорејќи за т.н национално единство Во Бугарија, Османи вели дека тоа е лесно кога прашањето не ве засега воопшто.
Кај нас е поинаку. Се работи за наши прашања, за наш прогрес, наша иднина, перспектива и затоа не очекувајте таков комодитет кај напшите политичари наспроти бугарските. И ние сме единствени за прашања кои не не засегаат нас. Но кога е за нас има различни идеи и притисоци и јас сметам дека добро се справуваме. 26 земји членки гласно зборуваат дека ова не смее да и се случи на С Македонија, Бугарија беше оставена сама на своите позиции, сето тоа е резултат на нашиот конструктивен однос. И покрај притисоците од опозицијата не навлеговме во негативен дискурс со Бугарија и мислам дека пред очите на светот добивме признаие дека ние сме во право. Постигнавме етнички консензус. Никогаш државата не била вака едногласна. Најголемата грешка што може да ја направиме до сега, од една државна позиција која има кредибилитет поред светот, некој сега да ја претвори повторно во етничка. Ако заради некои политички , партиски амбиции, овој државен консензус кој што го постигнавме да го претвори повторно во етничко прашање, тоа е најголемата штета што може да ја направи. Ако треба да се донесе некаква резолуција тоа треба да биде производ од сите, а не наметната од некоја политичка партија, вели Османи.
Интегралното интервју со министерот Османи погледнете го во видеото