Петковски: Договорот Заев – Мицкоски е пред едно огромонско минско поле кое што се нарекува Собрание – никој не може да очекува што и каде ќе експлодира

Се уште не мислам дека испишуваме историја. Направен е компромис за нешто што е многу важно, во многу важен момент, но сега договорот е пред едно огромонско минско поле кое што се нарекува Собрание на Република Северна Македонија. Никој не може да очекува што и каде ќе експлодира. Многу убаво прозвучи овој договор, но праксата покажува дека честопати кога ќе се пристапи кон реализација на еден политички договор таму има многу непознати, бидејќи интересот е личен, партиски, групен, па дури тогаш државниот интерес или интересот на граѓаните, изјави во Утрински брифинг лидерот на НСДП, Тито Петковски во врска со договорт Заев – Мицкоски.

Македонија често пати пали на туркање. Не може да се потценува и интервенцијата на Палмер во оваа ситуација. Но убеден сум, тргнувајќи од она што двајцата го направија и сработија до сега, сепак на преден план е нивниот личен интерес. Зошто – затоа што и двајцата сфатија дека ѓаволот ја однесе шегата, дека работите отидоа предалеку, дека можат да излезат надвор од контрола и дека може да ги кошта политичка кариера. Едноставно беа приморани да ги повлечат овие потези и сфатија дека ова е нивнат апоследна шанса да останат во политичкиот живот, додава Петковски.

Албанскиот политички фактор од опозицијата не е задоволен од договорот. Претпоставувам дека имало контакт помеѓу Заев и ДУИ, но за некои делови од тој договор како изборите и изборниот модел за ДУИ не одговора една изборна единица со отоврени листи и не знам тоа како ќе се одвива. Не сум сигурен дека ДУИ така лефтерно и лесно ќе поминат преку овој договор, особено што тие многу очекуваа од овој попис и вложија многу како политичари, смета Петковски.

Целиот разговор погледнете го видеото