Петкоска: Владата и АХВ да направат исклучоци за домашните миленици за време на полицискиот час во викендите

Барањата не сите кои чуваат домашни миленици, да се направат отстапки во полицискиот час за време на викендите, кој започнува од 16 часот, не се нелогични и не се неостварливи, вели Венера Петковска, претседателка на Асоцијацијата на активисти за права на животните во Утрински брифинг.

„Не треба да се повикуваме на Законот за благосостојба на животните, туку бараме нешто што е логично и не неостварливо. Засега нема од страна на властите указ дека за време на полицискиот час од 16 часот во викендите, ќе може да се излегува со милениците. Што е нелогично кога имаат физиолошка потреба? Видете, никој од нас не сака да се изложи на опасност.

Нема групирања по парковите, имас свест кај луѓето што чуваат кучиња, а и сите истражувања покажуваат дека кучињата не го пренесуваат вирусот. Верувам дека ќе се излегува викендот и мислам дека ќе има разбирање и од полициските службеници“, вели Петковска. А кога е во прашање Законот за благосостојба на животните, Петковска тврди, токму член 4 кажува за условите во кое животните се чуваат.

„Ние ако не ги изнесуваме надвор толку време, можеме да се доведеме до посериозни компликации па потоа да треба да одиме по ветеринари. Затоа апелирам и очекувам Владата и АХВ денеска да се произнесат за ова“, апелира Петковска.