Петровска: Жално е што државата има само еден инспектор за природни богатства – заштитата на природата мора да се препознае како важен предуслов за севкупен општествен развој
Многу долго имаше отпор за прогласување на Шар Планина за заштитено подрачје и тој отпор е од причина што веројатно некои илегални еактивности кои се вршеле на оваа територија требало да продолжат. За среќа Министерството за животна средина и просторно планирање, особено министерот препозна дека заштитата на Шар планина може да направи голем исчекор во заштитата на природата, за одржливиот развој и разовојот на еко-туризмот. И покрај тоа што нема големо мнозинство сметам дека се создадоа политички услови, заштитата на природата веќе се препознава како важен предуслов за економски развој на локалното население и токму затоа мислам дека состојбите се менуваат. Од 2002 година кога јас сум вклучена во овие процеси мислам дека сериозно сме напреднати, изјави во Утрински брифинг Ана Петровска, директорка на Државен инспекторат за животна средина.
-Сакам да потенцирам дека предвреме починатиот проф. Љупчо Неловски е промотор на оваа идеја и навистина тој, со граѓанските организации кои беа околу него обединети го убедија Министерството и придонесоа со работа на терен дека заштитата на Шар планина може да има големи предности, додаде Петровска.
Интегралниот разговор со директорката на Државниот инспекторат за животна средина погледнете го во видеото