? Петровска: Специјалци околу гласачките места – проценките на старешините а не Чулев ќе одлучуваат за обемот на полициско присуство на изборниот ден
Овој состав на МВР сме избрани со цел да спроведеме фер и демократски избори. Министерството има поприлично голема улога. Распределувањето на силите на терен има многу значајна улога од тоа како ќе го одржиме редот и мирот до тоа дали нашето појавување на терен ќе биде доволно и како тоа ќе влијае на гласачите. Кога станува збор на проценки, се обидувам моето размислување да го тргнам на страна бидејќи и јас сум политичка личност. Но секогаш кога се прават проценки на терен, посигурно се чувствувам кога тоа им го препуштам на луѓето кои изминатите години биле дел од изборните процеси, изјави во Утрински брифинг Славјанка Петровска, заменик-министер во МВР и дел од листата на коалицијата „Можеме“.
Околу изборниот ден, Петровска смета дека припадниците на МВР се спремни за одржувањето на јавниот ред и мир и обезбедување на мирен изборен ден. Според неа несериозно е да се вадат на терен елитните специјални единици, особено заради тоа што тоа бара ангажман и пристам само доколку се работи за безбедносна закана.
–Полицијата ги знае границите до каде може да се движи на избирачките места но имаме редовни состаноци на дневно оперативно ниво со ДИК и ќе успееме да го одржиме редот а гласачите да го остварат своето право на глас. Изминатиов период откога почна пандемијата, МВР излезе во пресрет на секакви задачи. Колегите не го прифаќаат како понижување одржувањето на редот и мирот, туку како задача. Ако јас се прашувам, елитните единици не би биле извадени на терен. Тоа се единици за исклучителни случаи. Мислам дека не е сериозно да ги вадиме на улица. Нивниот ангажман бара посериозен ангажман и пристап кога станува збор за безбедносна закана. Од разговорите на координативното тело, се појавија разлики. Министерот смета дека полицијата треба да биде видлива, јас не се согласувам. Мислам дека на крајот ќе победат аргументите, бидејќи во Министерството постои хиерархија. Се вршат проценки на закани и би се потпрела на тие анализи а не на лични мислења.
-Тие се доволно обучени и знаат дека треба да се почитуваат наредбите. Наредбите ќе ги издаваат старешините во Министерството. Професионалците во МВР без политички влијанија ќе си ја завршат работата. Поединци секогаш има. Имаше полицајци кои не ги почитуваат, но тие се казнуваат и не треба да се носи генерален заклучок според нивното дејствување.
Изборна кампања
-Одржуваме помали средби наместо големи митинзи. На тие средби ги слушаме критиките и пофалбите на граѓаните, не зборуваме само ние кандидатите. Повеќе ми се допаѓа дијалогот со граѓаните.
Бомбите и личните дискредитации и индиции за кривични дела
-Кога беа објавувани дел од бомбите во соработка со ЈО, еден од учесниците беше повикан во полициска станица. Ако ме прашање мене, мислам дека треба да бидат викнати сите чиј глас се појавил. Но ако се потсетиме на тоа каква беше реакцијата на некои од политичарите кои беа повикани во полиција, мислам на „Теретана“ и „Боемска“, ќе видите дека за жал изговор се политичките позиции. Без оглед на исходот од изборите, мислам дека објавените бомби треба да имаат соодветна судска разрешница бидејќи има индиции за сериозни кривични дела, изјави во разговорот во Утрински брифинг Славјанка Петровска, заменик-министер во МВР и дел од листата на коалицијата „Можеме“.