Петровски: Влезот во НАТО носи и сигурност кај граѓаните

Кои се придобивките на Македонија со зачленувањето во НАТО? Знае ли нашата држава и дали јавноста е запознаена што значи ова зачленување.

– Најважна работа во било кое општество е да се создаде една состојба на безбедност, каде граѓаните без чувство на загрозеност да си ги остваруваат своите потреби и работни обврски. Безбедноста да ја чувствуваат и институциите и да имате пријатели и надвор од границите.

На тој начин заедно да направите еден безбедносен сојуз кој ќе ја направи состојбата уште покомпактен. Затоа и државите влегуваат во таквите безбедносни сојузи. Знаеме дека НАТО е воено-политички безбедносен сојуз и основна причина поради која државите влегуваат е да си ја остварат својата безбедност, изјави во Утрински брифинг генерал Димче Петровски.

Околу можностите кои се отвараат со влезот во НАТО, Петровски смета дека не треба да се сфати влезот во НАТО како нешто што е од денеска или пред некоја година. Ние во НАТО сме долго време присутни.

НАТО за сите држави кои се декларираа дека сакаат да влезат во сојузот направи еден акционен план за членство. Тоа е нивен документ во кој што стои дека секој оној кој сака да влезе мора да направи подгвотовки. Некои тоа го направија за пократок период, ние заради некои непринципиелни причини подоцна.

Битно е што добиваме право на глас. Де факто сме, а сега и де јуре. Одлуките таму се носат со консензус, така и ние ге бидеме дел од тој консензус.