Домашниот пакет ќе ви важи и во Западен Балкан, Интернет услугите лимитирани во роамингот, објаснува АЕК

Од денес е укинат роамингот за телефонски разговори, СМС пораки и интернет меѓу Северна Македонија, Србија, Црна Гора, Албанија, Косово и Босна и Херцеговина. Со тоа се заокружува примената на Договорот од Вториот дигитален самит од 2019 година меѓу шесте држави од Западен Балкан.

Првата фаза од спроведувањето на договорот почна во 2019 година, кога цената на роамингот беше намалена и за над 80 проценти, а од утре стартува втората фаза и целосно укинување на роамингот.

Почнувајќи од денес предвидено е напуштање на дополнителното тарифирање за роаминг услугите, односно се воведуваат цени за роаминг услуги исти како цените на електронските комуникациски услуги на домашниот пазар (Roaming Like At Home). Тоа значи дека корисниците на роаминг-услугите во земјава нема да доплаќаат повисоки цени од домашните тарифни модели за користење на роаминг-услугите кога ќе патуваат во останатите пет земји потписнички на Спогодба, без разлика дали станува случај за користење на интернет, говор или СМС. Влезниот повик во роаминг ќе се третира исто како и влезниот повик во домашниот пазар односно без дополнителен надомест за корисникот.

Регионалниот договор за роаминг беше потпишан во април 2019 година во Белград во рамки на Вториот дигитален самит на земјите од Западен Балкан.

Марјан Пејовски од АЕК за Утрински брифинг вели денеска е денот кога стартува – Користете роаминг услуги така како што ги користете дома мобилните телефонски услуги. Значи користете го вашиот мобилем телефон и во странство, во случајов во земјите од Западен Балкан. Нашите граѓани кога ќе патуваат во една од тие земји ќе можат да ги користат роаминг услугите на начин и по тарифни планови како што тие мобилни услуги ги користат дома.

-Кога еден наш граѓанин патува во Црна Гора или Албанија, ќе може да го користи мобилниот телефон за роаминг иако тој граѓанин некој тарифен модел на пост пејд во кој се вклучени неограничени минути во националните мрежи, неограничени смс пораки и одредена количина на интернет. Тоа значи дека поволностите на тој тарифен план ќе може нашиот граѓанин да ги користи во една од земјите од Западен Балкан. Значи ако минутите тука му се вклучени во таа месечна претплата, тогаш тие истите минути на сообраќај ќе си ги користи таму.

-Интернетот во принцип , кога одите во роаминг, одредена количина согласно тој тафифен план, а тоа корисникот најдобро е да го искомуницира со својот оператор, ќе му буде дозволена да го користи во роаминг. Наједноставен пример – АКо имаме 10ГБ мобилен сообраќај дома, би имал околу 2.5 ГБ дома, вели Пејовски.

-Операторите ќе ги информираат граѓаните. Кога ќе достигнете лимит, операторот ќе го прекине интернетот, и ќе ве информира најчесто со смс. Ако вие дополнително сакате да го користете, тоа ќе биде вметнато во крајната сметка.

-Независно дали интенетот е ограничен. И во домашните тарифни планови, секаде пишува политика на фер користење.

Целиот разговор погледнете го во видеото