Пивоваров: Корупцијата ја помага нелегалната миграција
Во Координативниот центар за гранично управување членуваат 9 министерства и 5 дирекции кои имаат ингеренции поврзани со граничните премини. Тука се случува брза размена на информации. Ние имаме мониторинг 24 часа со камери, вели Владимир Пивоваров, национален координатор за гранично управување за Утрински брифинг.
-Мониторингот е многу важен оти се снимаат секој момент на граничните премини. Така сме сервис на судство, обвинителство, МВР и така натаму. Ние сме должни да ги чуваме снимките 40 дена и тие снимки може да се побараат од нас во тој рок, а потоа се бришат, вели Пивоваров за Утрински брифинг.
-Кога ќе забележиме дека протокот е забавен на граничните премини, ние реагираме. Се јавуваме да провериме дали станува за проблем во полицискиот или царинскиот дел на работењето, додава тој.
Центарот за гранично управување е фокусиран на три проекти. Првиот е протокот на мигранти. Нашиот координативен центар предлага камионите да имаат камери напред и назад за возачите да имаат увид дали некој неовластено влегол или сака да влезе во нивното возило. Потоа, мигрантите пред границите излегуваат и се обидуваат преку нелегални премини да ја поминат границата. Тука голема улога игра корупцијата, вели Пивоваров.
Целиот разговор погледнете го во видеото