Поповска: Отстапките што ги направивме како држава граѓаните ги доживуваат како неправедност оти ЕУ не испорача ништо

За она што се случува во државата поразговаравме со основачката на ДОМ, Лилјана Поповска. Имаме политичка криза или политичка нестабилност во последниве две недели со низа настани кои беа очекувани или неочекувани.

Јас не очекував, ова е политички трилер. Но, разврската на изборите за мене е очекувана оти очигледно е незадоволството на граѓаните од локалните власти кои не успеаја да обезбедат елементарни услови за здраво живеење. Поминаа оние градоначалници кои дејствуваа неповрзано од партиите и кои беа добро. Не се гласаше според идеолошка поделба, вели Лилјана Поповска за Утрински брифинг.

Се случи да се поистоветат локалните избори со централната власт, по што следуваше оставка на премиерот Зоран Заев.

Прашање е дали требаше да се направи тоа и мислам дека не требаше премиерот да поднесе оставка иако опозицијата извесно дека ќе го бараше тоа оти граѓаните се незадоволни и од националните теми. Се случија многу претумбации во последниве години од 2018 година. Македонија прифати двојазичност, Преспански договор и слично, а позицијата влезе во тоа без опозицијата и тоа предизвика незадоволство. Мораше да се обезбеди поддршка. Можеби е добро за државата, но граѓаните го доживуваат како неправедност, особено затоа што ЕУ не испорача ништо, па сега се појавува и евроскептицизам, коментира Поповска.

Проследете го целиот разговор во видеото