Поповски: Груевски да беше во земјава, сега ќе беше во затвор, а немаше да дава свои мислења за становите што му ги откриваат

Во редовната викенд колумна на Љупчо Поповски е анализа за тоа колку се поврзани работите на некои клучни процеси на опозицијата со она што се однесува со Никола Груевски.

-Лидерот на опозицијата сака да каже дека се изразува математички прецизно, но кога рече дека пет години не се видел со Груевски згреши, оти еден од друг седеа пред 4 години на конгресот на ВМРО-ДПМНЕ. Јасно ми е дека сака да се дистанцира, ама фактите си го кажуваат своето. Освен тоа и двајцата имаа канцеларии во партиското седиште, па веројатно се виделе, вели новинарот и аналитичар Љупчо Поповски за Утрински брифинг.

Во неделата се открија три нови станови на Гриевски во зградите на Камчев со неверојатни 750 квадратни метри. Но, Мицкоски не реагира за тоа туку вели: Жал ми е што Груевски не е тука да си го каже своето мислење.

-Па Груевски да беше во Македонија, сега ќе беше во затвор!, вели Поповски.

Новите структури не сакаат да се конфронтираат со претходните. Прв што го направи тоа беше Гуевски кој рече дека Георгиевски му забил нож во грб, ама потоа си ги задржа структурите на Георгиевски, вели Поповски.

-Истите луѓе се вртат постојано. Милошоски беше министер, Славески исто така, Николовски секогаш бил во врвот на партиските структури. Не очекувам една партија наеднаш целосно да се промени и не ни треба, треба да има континуитет. Но, прашањето е на новите лидерства како тоа ќе го менаџира, вели Поповски.

Поповски вели дека е невозможно да се следат сите тие бизниси, фирми и мрежи и не знам како е можно сето тоа да го запомнат за да го изнесуваат сега пред судот.

-Не може да се направат закони кои до атом ќе го детализираат она што се случува во општеството. Затоа се бараат слаби точки во законите. Тоа се прави и кај нас но и во странство. Еве земете го Роман Абрамович кој успеа богатството да го пренесе од Британија во САД, вели Поповски.

Поповски вели дека за време на истрагите и судењата дознавме дека Камчев имал фирми насекаде по светот. Ако е тоа возможно, зошто да не го прават? Властите тоа треба да го дознаат и да оданочат средства.

Проследете го целиот разговор во видеото