Попоски: Пролет 2020 – Очекувајте од се по нешто
Со навлегувањето во месецот март, навлеговме и во онаа климатска пролет. Деновите се подолги а ноќите се пократки. Токму поради ова полека но сигурно на зимата и доаѓа крајот а условите за поизразени студени бранови полека се намалуваат.
Сепак оваа година пролетните месеци кај нас гледано по температурите ќе бидат околу просекот, постои можност повремено температурите на воздухот да бидат малку и над просекот, односно да биде потопло од вообичаеното. Секако дека сеушто повремено има услови за надоаѓање на постудени воздушни бранови од север кој би условиле врнежи од дожд и снег, па и услови за појава на мраз. Ваквите појави кај нас се поизвесни во текот на март и април месец.
Гледано пак по врнежите, иситите би биле околу просекот. Односно би имале нормални врнежи во текот на следниот пролетен период. Повремено има услови и за создавање на поизразени циклонски активности кој би условиле поинтензивни врнежи. Сепак барем според моменталната сезонска анализа за оваа пролет, условите за поголеми временски непогоди се релативно мали.
Инаки во текот на следните денови кај нас очекуваме релативно променливо и топло време, ќе има и повремени врнежи кој поради релативно високите температури ќе бидат претежно од дожд. Поинтензивни врнежи ќе имаме во денот среда. Температурите на воздухот овие денови ќе се искачуваат во интервалот од 13 до 21 степен, нешто посвежо ќе биде во среда. Тогаш максимумот на температурите ќе се искачува во интервалот од 8 до 15 степени.
НАПОМЕНА: Поради големата разлика на воздушниот притисок на релативно мал простор, ќе започне да дува умерен, повремено ЗАСИЛЕН ветер од јужен, југозападен и од југоисточен правец кој повремено на некои места ќе достигнува брзина од над 70 км/час, токму поради ова и за секој случај ВНИМАНИЕ.
