Попоски: Следува стабилизирање на времето
Денеска во текот на претпладневните часови, и околу пладне сеуште ќе има локални послаби врнежи од дожд, на повисоките места и на планините ќе провејува снег.
Снежната граница има услови да се спушти и малку под 1000 метри, особено во северната половина од државава, ќе дува и северен и северозападен ветер.
Локално ветерот ќе засилува на интензитет.
Во попладневните и во вечерните часови следува стабилизирање на времето и намалување на облачноста.
Максималните дневни температури ќе се искачуваат во интервалот од 4 до 13 степени.
Потоа во следните неколку денови следува период на претежно стабилно, суво и сончево време со мала до умерена облачност.
Исклучок ќе биде недела кога повторно ќе има услови за локални врнежи од дожд, на планините од снег. Наутро ќе биде студено и минималните температури на воздухот понекаде ќе се спуштаат не многу под нулата.
Максималните дневни температури и натаму ќе бидат над просекот и во следните неколку денови ќе се искачуваат во интервалот од 8 до 15 степени.
Во најтоплите предели од државава истите има услови да се искачат дури и над 15 степени.
