Постојните проблеми и моделот за декриминализација на канабисот во Македонија, разговор со Јанаки Митровски
Доколку постои политичка волја ова може да се направи за релативно краток период, за што треба да се сенат два закони – кривичниот и законот за контрола на опојни дроги или да се оди на она што ние од „Билка“ се залагаме – посебен Закон за канабис, изјави во Утрински брифинг адвокатот Јанаки Митровски и фронтмен во процесите на легализација и декриминализација на канабисот.
-Треба да има интервенции во Законот за прекрошоци против јавен ред и мир, затоа што во однос кога не постои кривично дело, а оддавање на употреба на било кои наркотици на јавни места е казниво по Законот за прекршоци против јавен ред и мир во член 20. Ако полиција ме тресе во моментов и најде џоинт кој не го користам во моментот, јас поради недореченоста на законите и симбиозата судство – обвинителство, јас ќе одговрам по тој член, иако јас не се оддавам на конзумирање, туку само го пренесувам, вели Митровски.
Бидејќи има широк дијапазон на дејствија кои треба да се прават, се предлага, а ние тоа го прифаќаме е да се основа посебна Агенција за канабис или одделение при Малмед, бидејќи се потребни и научни истражувања, легислатива, меѓународна соработка итн. Тоа би било Агенција за канабис која би соработувала со Фармацевтскиот факултет, како и основање на Институт за канабис при земјоделскиот факултет, додава Митровски.
Во однос на легализацијата се оди во насока на тоа да се регулира лична употреба за рекреативни цели, медицинска употреба и бизнис делот во смисла на да се дозволи секој кој има медицинска потреба, а државата препознава канабис како медикамент, да се дозволи дома да одгледува одреден број на растенија, затоа што за нас е парадоксално вие како бизнисмен тоа да го правите за пари, а јас за себе лекување да не смеам да го право. Исто оние кои користат за лична или рекреативна употреба да имаат исто така одреден број растенија, затоа што би било парадоксално она што премиерот го најавува за кофи шопови, а јас за себе да не можам да одгајувам, вели Митровски.
Целиот разговор погледнете го во видеото