Почитување и унапредување на правата на лицата со хендикеп и отстранување на сите бариери, разговор со Кочовска од „Полио плус“

Почитување и унапредување на правата на лицата со хендикеп и отстранување на сите бариери со цел да се овозможи нивно вклучување во општествениот и политичкиот живот, подигнување на јавната свест за ова прашање, иницирање законски решенија кои тоа ќе го овозможат, се дел од прашањата на кои ќе работи Интерпартиската парламентарна група (ИППГ) што беше формирана во рамки на овој пратенички состав на Собранието.

ИППГ за прв пат е формирано 2003. Иницијатор е „Полио плус“. Оваа група треба да претставува собраниско тело кое ќе го артикулира гласот на лицата со хендикеп. Мината недела беше конституиран новиот состав. Се приклучија 50 пратеници од сите политички партии. Се избра и потесното тело и допрва ги чека работа, изјави Елена Кочовска од „Полио Плус“.

Направена е анализа со поддршка од Вестминстер фондација за демократија во соработка со парламентарниот инситут како парламентите во светот (шест парламенти) всушност ја вградуваат конвенцијата за правата на лицата со хендикеп и верувале или не меѓу подобрите е и ИППГ. Се работи на измени на закони, има големи успеси. Проблемот е што кај на с нема институционална меморија. Потребно е и подигнување на капациитетот на ИППГ во иднина да стане и формално собраниско тело и нема да дозволи ниеден закон да помине без да биде разгледан од аспект на конвенцијата за правата на лицата со хендикеп, вели Кочовска.

Според Елена Кочоска „Полио Плус“, пристапност не значи само пристапност до објекти и институции, туку и пристапност до информации. Потребно е, нагласи таа, да се работи на подигнувањето на јавната свест, но и да се работи за почитување и унапредување на правата на овие лица.

Целиот разговор погледнете го во видеото