Проф. Атанасов: Потребна е нова политичка сила во Македонија – неопходни се реални промени, револуција ќе биде кога Македонци ќе влезат во ДУИ

Експертот за меѓуетнички односки, за проектот Едно општество за сите и поранешен заменик министер за образование, универзитетски професор и сега партиски неактивен Петар Атанасов во денешен Утрински брифинг зборува на овие теми по повод објавувањето на неговата нова книга.

-Книгата е дело на пет автори, кога се појави идејата за едно општество за сите. Но, во меѓувреме проектот забави по првата фаза. Тоа е владина стратегија и треба да ја спроведува. Владата се зафати со етнизација и со етничката агенда. Не може некому да му дадете приватно министерство во насока на етничките концесии, привилегии врз етничка основа каква што има ДУИ која го фетишизира Оридскиот договор, вели Атанасов.

Сепак факт е дека последниве години се намалени меѓуетничките тензии.

-Тоа е затоа што се задоволени политичките елити. Тоа не значи дека Албанците се задоволни од својот живот. Поентата е да се урнат етничките стеги за граѓаните, вели Атанасов.

Може ли едно општество за сите да ја победи со реал-политиката?

-Можеше да проба. Кога веќе илјадници Албанци дадоа глас за СДСМ. СДСМ требаше да дејствува што ќе влијаеше на ВМРО ДПМНЕ. Ќе се намалеше национализмот. Но, национализмот носи гласови и министерски места, вели Атанасов.

Тој коментира дека Зоран Заев имаше катастрофално лоша кадровска политика во партијата која не ја спроведе добрата агенда со која Заев ги здоби симпатиите на сите. Атанасов вели дека очекува Ковачевски да биде следниот лидер на СДСМ и иден премиер оти ја има поддршката на врвот на партијата, сеедно што се оди на општи партиски избори.

-Луѓето во СДСМ не се променија. Останаа истите луѓе. Постојано се кажуваат истите реченици и не остава надеж дека нешто ќе се промени. Демагошките говори повеќе не поминуваат, вели Атанасов.

Спасот на Македонија е трета политичка сила која ќе прерасне во политичка партија што ќе понуди реални промени веднаш по доаѓањето на власт. Ниедна партија досега не успеа да стане трета, вели Атанасов и додава дека тој работи на таа нова политичка сила која ќе работи во интерес на граѓаните.

Проследете го целиот разговор во видеото