?? Проф. Дујовски: Потребен е закон за вонредна состојба – епидемијата од лажни вести е се поактуелна и на неа мора да се одговори соодветно

Факултетот за безбедност – Скопје ги презентираше прелиминарните препораки за трансформација на безбедносниот систем за негово функционирање во кризна и вонредна состојба.

Преку научно-истражувачкиот проект на Факултетот за безбедност-Скопје на тема „Функционирањето на безбедносниот систем на Република Македонија во услови на вонредна и кризна состоја„ истражувачкиот тим од пет професори утврди критични области во безбедносниот систем на државата во кои се потребни итни промени, донесување на нова законска регулатива меѓу другото и во делот на вонредната состојба, кризниот менаџмент и заштита и спасување.

Преку итни промени во безбедносниот систем треба да се дојде до решенија за градење поефикасен безбедноснен систем каде интегрален дел е управувањето со кризи и заштитата и спасување, како и креирање на соодветна безбедносна политика за превенција, рано предупредување и навремена проценка на ризици и закани. Преку прелиминарните препораки се актуелизира расправата за генералното функционирање на системот за рано предупредување и справување со ризиците од кризи и катастрофи како составен дел на безбедносниот систем на Република Македонија.

-Имајќи предвид дека станува збор која што во најголем дел го зафаќа и безбедносниот сектор, се разбира пред се здравствениот, а подоцна ќе видиме дека сериозно ќе се одрази и во економнскиот дел,ниое се обидовме да ги согледаме активностите на институциите кои што одговараат на кризата и констатиравме дека постои формално-правна празнина, односно нерегулирани односи. Формирањето на Главниот штаб во Владата беше резултат на немањето на соодветна правна рамка која што ќе ги уреди постапувањата на институциите во било каква состојба, изјави за Утрински брифинг деканот на Факултетот за безбедност, Никола Дујовски.

Дујовски нагласи дека новиот парламентарен состав мора под итно да отпочне процедура за донесување на закон за вонредна состојба.

-Мора сите државни капацитети рационално да се употребат како одговор на криза. Епидемијата од лажни вести е се поактуелна и на неа мора да се одговори соодветно. И иако цениме дека министерот Филипче и Комисијата за здравство го правеа известувањето на високо ниво, постојат докази дека имавме и епидемија од лажни вести, смета Дујовски.