САД после Трамп, санацијата на раните од американскиот популизам – процес кој ќе трае

Она што требаше да изгледа како нормална транзиција на власта во САД изгледа дека не е. Гледајќи ги и читајќи ги светските медиуми се заклучува дека ситуацијата е далеку од готова. Мислам дека таму се уште не се знае како ќе се развиваат работите. Предупредувањето на ФБИ во својот внатрешен билтен дека во сите престолнини на американските државите се можни вооружени напади од 16 до 20 јануари е навистина драматично. Ако навистина тоа се подготвува ние не знаеме каде се може да заврши целата работа. Дополнителен проблем е што в.д министерот за внатрешни работи поднесе оставка. Работите се комплицирани и просто невозможно е да си претставиме дека работите може да бидат волку комплицирани во Америка, изјави во Утрински брифинг новинарот Љупчо Поповски.

Трамп се појави на бранот на популизмот како катализатор. Популизмот беше поттикнат многу порано со други популистички движења, но ова не сум сигурен дека брзо ќе заврши. САД се поделена земја како и многу други држави. Но поделбите во земји каде што има огремен број оружје е многу опасно. Замислете што ќе беше доколку барем една десетина од тие луѓе што упаднаа во Конгресот да носеа со себе оружје кое што легално можат да го купат. Тоа ќе беше вистински масакр. Дали Бајден ќе го потроши половина од своето време во лечењето на раните после овие настани, сметам дека ќе потроши голем дел, вели Поповски.

Целата анализа погледнете ја во видеото