?? Светот без сцена укажа на ранливоста и условеноста на уметноста и културата независно од инфраструктурата и капацитетите

Што се може да биде културен простор? Каде е местото кое би било доволно топло, доволно опремено, доволно капацитетно да ја восприеми културата во иднина, се дел од прашањата на кои во Утрински брифинг одговори даде Тина Тодороска – Петреска.

-РАЗДРИМУВАЊЕ 2020 е интердисциплинарна програма, која оваа година ИНКА ќе ја реализира под мотото Сцена без (С)цена.

Светот без сцена укажа на ранливоста и условеноста на уметноста и културата независно од инфраструктурата и капацитетите, независно од салите, гледалиштата, галериите. На локално ниво ранливоста и условеноста во културата се една континуирана дискомформистичка состојба… Сцената како капацитет, културната продукција како инфраструктура, во Струга никогаш не била зададена… Секогаш морала да искрснува овде и онде… Условена од армија луѓе кои се волни да преместуваат столчиња и кабли од едно на друго место… да ги групираат, редат и подредуваат… да создаваат „сцени“, онаму каде никогаш суштински не постоеле.

Можеби заради нивното отсуството, алтернативноста е предзнакот што одскогаш го носи струшката сцена. Тоа е една состојба во која постојано треба да се размислува надвор од кутијата. Тоа е една состојба на трајна пандемија за локалниот културен контекст во која уметноста и културата мора жилаво да истраат и да продуцираат вредност… Иако насловот сугерира на актуелната глобална реалност, сепак тој сака да имплицира на една трајна локална реалност, која е неопходно да се менува.