Секуловски од ЗНМ: Изборот на органите во МРТ и АВМУ со просто мнозинство е ризичен

Наместо со двотретинско мнозинство, членовите на Советот на Агенцијата за агенција за аудио и аудиовизуелни услуги (АВМУ) и на Програмскиот совет на Македонската радио-телевизија (МРТ) да се избираат со најмалку 61 глас од пратениците, предвидуваат промените на Законот за аудио и аудиовизуелни услуги, кои ги предлага владејачкото мнозинство во Собранието.

Во Собранието се усвои потребата од носење на законот во скратена постапка.

Здружението на новинари на Македонија (ЗНМ), Самостојниот синдикат на новинари и медиумски работници (ССНМ), Македонскиот институт за медиуми (МИМ) и Советот за етика во медиумите (СЕММ) посочија дека со загриженост го следат процесот за измена на овој Закон.

Истовремено, тие посочуваат дека загрижува тоа што законот е предложено да биде усвоен по брза постапка, без никакво, како што додаваат, образложение во предлогот, со што не се остава простор за јавна дебата, ниту пак за транспарентност и вклученост на засегнатите страни во неговото носење, велат тие.

Гостин во Утрински брифинг беше извршниот директор на ЗНМ, Драган Секуловски.

–Ако овој закон помине ќе се намали цензусот за гласње во однос на управното тело на МРТВ. Ние сметаме дека двотретинскот мнозинство е важно да се примени во делот на гласње на овие членови за Управниот орган на МРТВ, заради неколку причини – медиумските и новинарските организации се залагаа и во 2013 година кога се носеа медиумските закон, додека за овој принцип, како што додава Секуловски, се залагале и експертите од Советот на Европа при изработката на Законот за аудио и аудиовизуелни медиумски услуги со кој се регулира работата на МРТ и АВМУ.

Целиот разговор со извршниот директор на ЗНМ, Драган Секуловски, погледнете го во видеото