? Селмани: Потребни се системски промени, а не промени за ден-два

Сегментацијата на политичките партии на Ромите доаѓа од поривот да се придонесе кон заедницата, но од друга страна гледајќи ги демократските вредности ќе забележиме дека тоа се индивидуалци кои ги водат партиите, а всушност нема членови, изјави во Утрински брифинг Дениз Селмани, Ромалитико/Аваја.

-Ако направиме споредба кај претходните избори ќе видиме колкава е разликата. Разликата во гласови е рефлект колку Роми има во Македонија. Затоа и им се битни ромските гласови, бидејќи таа разлика се надокнадува токму со гласовите на Ромите, смета Селмани.

-Не би се сложил дека секогаш е битно да се биде на власт. Она што е битно и треба да ги води сите политички партии е интересот на заедницата. Ние како „Аваја“ успеавме со помош на Ромската заедница да направивиме еден вид на документ каде што ги има приоритетите кои целиме да се остварат, додава Селмани.