Семенпеева: Илустрацијата кај нас е потценета, со “Литера” сакаме тоа да го промениме и да произведеме квалитет
Третото издание на Фестивалот за литература и илустрација за деца „Литера 2021“, кој годинава е во ново руво и траење, се отвора на 3 јуни со голема изложба на доајенот на македонската илустрација за деца, Младен Туниќ. Изложбата ќе биде отворена во Чифте амам.
„Уште на Факултетот за ликовна уметност, заедно со колегите бевме последната генерација што ја изучуваше илустрацијата и обликувањето на детската литература. А кога од 2015 година почнав да купувам сликовници за ќерка ми, сфатив дека кај нас има дупка во визуелната култура за најмладата возраст, онаа од каде што се почнува да се гради културата кај секое дете. Ужасно беше тоа што го видов, дотогаш не следев што се случува со литературата за деца, во сеќавање ми беше останата литературата со која ние растевме, каде што илустратори беа Кондовски, Туниќ , кои буквално се национално богатство. Во 2019 година реѓивме да направиме фестивал и се надеваме дека ќе раеме долго и ќе придонесеме за проемни на сцената. Имаме добри писатели за деца, квалитетни илустратори, но кај нив недостаува слободата и поддршката. Новите генерации практично не можат да ги видат илустрациите од Кондовски, Туниќ, Каевски, за кои мислам дека се национално богатство за кое мора да работиме за да го сочуваме. На изложбата на илустрациите на Туниќ ќе видите дека се работи за нешто со огромно значење, тоа се илустрациите со кои растевме, тој е еден од основачите на „Детска радост“, издавачката куќа која со децении беше симбол за литература за деца од Македонија и која не’ претставуваше во светот, но сето тоа е замрено, не постојат дури ни архиви на тоа што издавале.
Се надеваме дека ќе разбудиме свест за тоа дека илустрацијата е еднакво важна како и сликарството, графиката или скулптурата, музиката итн. Тоа е нешто што мора да се зачува и развива. Програмата на „Литера годинава е распределна во пет месеци затоа што секоја од активностите треба да има посебен третман, по изложбата на Туниќ, имаме тркалезна маса за претставувањето на македонската илустрација надвор од границите на државата, а потоа следува мастер класа со познатиот хрватски илустратор Свјетлан Јунаковиќ. Има многу малди кои е заинтересирани, но како да се срамат да кажат дека ги интересира илустрацијата бидејќи гледаме дека како ликовна гранка таа е потценета, ние ќе вложиме да придонесеме за афирмацијата, но и институциите треба да сфатат дека од илустрацијата за деца почнува да се гради визуелната култура“, вели Софија Семенпеева, основачка на „Литера“, фестивал за илустрација и литература за деца.