Скерлев: „Ноќ на сините ножеви“ – на Борис Џонсон му недостасува интегритет – сметаат конзервативците

Британскиот премиер Борис Џонсон го преживеа гласањето за доверба во парламентот и останува на премиерската функција. Барањето за смена на Џонсон го покренаа пратениците од неговата Конзервативна партија.

Една од причините беше поради нелегалните забави во периодот на строгите карантини, кое што во јавноста беше наречено „Партигејт“.

Џонсон доби поддршка од 211 пратеници, а 148 му изразија недоверба, што значи дека повеќе од 40% конзервативци гласаа против својот премиер.

За Утрински брифинг, новинарката Жанета Скерлев вели дека медиумите синоќешката ноќ ја оцениле како „Ноќ на сините ножеви“, мислејќи на она што се случуваше кај конзервативците.

-На Борис Џонсон му беше изгласана доверба, но не со она мнозинство на кое тој се надеваше. За 18 пратеници тој е неприфатлив водач на партијата, што значи и неприфатлив премиер, вели Скерлев.

-Многумина сметаат дека ќе му биде многу тешко да опстане во наредните три до шест месеци како премиер на Британија.

Целата анализа погледнете ја во видеото