Скопски агол на УБ: Привршува изградбата на корзото во Ѓорче

– Идејата да се гради корзо во Ѓорче Петров е ветена во предизборна кампања. Повозрасните граѓани на Ѓорче ќе се сетат дека овде (Ѓорче Петров) имаше второ корзо во Скопје. Се случувале многу љубови, многу приказни. Од корзото е и вистинскиот настан за култната претстава „Чија си“ на Сашко Насев, „Грев или шприцер“, така што тоа модерно Ѓорче кое што живеело во тоа време сакаме да го вратиме на еден урбан начин. Изработката на корзото оди во две фази.

– Имаме земено заем од Светска банка со 0 посто камата на грејс период од три години и дополнително грант од 120.000 евра.

Корзото ќе има кафетерии, амфитеатар. Изработени се потпорни скали, украсни ѕидови. Во втората фаза, каде што се завршени 50 проценти од активностите изработени се бетонски жардињери, кроење и кастрење на сувите држава. Останува монтажата на калдрмата, засадување на нови садници, рампа за регулирање на сообраќајот.

Се надеваме дека до 20 февруари втората фаза ќе биде завршена, изјави во Скопски агол на Утрински брифинг, Александар Наумовски, градоначалник на Ѓорче Петров.