Славчо најавува влажен воздушен бран и локални врнежи од дожд – од недела стабилизирање на времето

Под влијание на влажен воздушен бран, денес и утре времето во Македонија ќе биде претежно облачно со повремени локални врнежи од дожд. Поинтензивни врнежи ќе има во југозападните и јужните предели од државава каде локално ќе наврнат над 20 л/м2 воден талог. Повремено на планините ќе има услови за повремени врнежи од снег а ќе дува и слаб до умерен ветер од северен и од североисточен правец. Температурите ќе се искачуваат во интервалот од 8 до 15 степени.

Во Скопје и околината времето ќе биде облачно со повремен дожд но со слаб до умерен интензитет. Ќе дува слаб до умерен вдетер од северен правец. Температурата ќе се искачи до околу 15 степени.

Потоа од недела ќе има стабилизирање на времето со пораст на температурите на воздухот и истите ќе се искачуваат во интервалот од 15 до 22 степени.