Славчо најавува – денеска дожд, ветер и пониски температури, од утре стабилно и сончево време

Денеска времето ќе биде променливо облачно со повремен локален дожд и појава на грмежи, особено во претпладневните часови и околу пладне. Ќе дува умерен, на повеќе места засилен ветер од северен правец.

Максималните дневни температури ќе бидат пониски, особено на север и ќе се искачувааат во интервалот од 23 до 31 степен. Во Скопје и околината времето ќе биде променливо облачно со услови за повремен локален дожд и грмежи. Ќе дува засилен ветер од северен правец. Максималната дневна температура ќе се искачи до околу 27 степени.

Потоа од утре следува период на стабилно, суво и сончево време со мала локална облачност. Максималните дневни температури на воздухот ќе се искачуваат во интервалот претежно од 25 до 34 степени.