Славчо најавува дожд и засилен ветер

Денеска времето во државава ќе биде претежно облачно со повремен локален дожд и со умерен, а долж повардарието повремено засилен ветер од северен и од северозападен правец. Температурите ќе се искачуваат во интервалот од 10 до 14 степени.

Во Скопје и околината времето ќе биде претежно облачно со услови за повремен слаб дожд. Ќе дува умерен, повремено засилен ветер од северен и од северозападен правец, додека максималната температура ќе се искачи до околу 11 степени.

Потоа утре и во четврток времето ќе биде променливо облачно и релативно суво, иако и тоа особено во јужните и во југоисточните предели е можен сосема слаб и локален дожд. Температурите ќе се искачуваат во интервалот од 9 до 13 степени.

Поинтензивен влажен бран кој на повеќе места ќе услови поинтензивни врнежи од дожд се очекува во текот на ноќта четврток кон петок, како и во петок, но и за време на викендот кога на повисоките планини ќе има услови за врнежи од снег. Исто така во петок, како и за време на викендот ќе дува и умерен, повремено засилен ветер од јужен и од југоисточен правец.