Славчо најавува сончево и студено време – од средината на неделава поголемо затоплување

Денес времето во Македонија ќе биде сончево и претежно СТУДЕНО со умерена локална облачност. Ќе дува умерен до засилен ветер од североисточен правец. Температурите ќе се искачуваат во интервалот од 5 до 12 степени.

Во Скопје и околината времето ќе биде сончево со умерена локална облачност и со умерен до засилен ветер од североисточен правец. Максималната температура ќе се искачи до околу 10 степени.

Потоа утре локално ќе има нешто повеќе облачност и особено во источните и во североисточните предели ќе има услови за сосема слаб локален дожд и снег на планините. И понатаму ќе дува засилен ветер од северен и од североисточен правец. Температурите ќе се искачуваат во интервалот од 5 до 16 степени во најтоплите предели.

Во деновите потоа, односно од средината на оваа недела се очекува ПОГОЛЕМО ЗАТОПЛУВАЊЕ на времето и продор на топла воздушна маса од југ, а времето ќе биде претежно сончево, стабилно и суво. Максималните температури тогаш во најтоплите предели ќе надминуваат и 20 степени, односно температурите ќе се искачуваат во интервалот од 15 до 23 степени.