? ? Славчо најавува сончево и топло време, но не ја исклучува можноста од дожд во попладневните часови

Во текот на денешниот ден во државава времето ќе биде сончево и топло со мала локална облачност. Ќе дува слаб до умерен ветер од јужен и од југозападен правец и истиот повремено ќе засилува. Во попладневните часови ќе има локално зголемување на облачноста со услови за локален краткотраен дожд и ретки грмежи. Максималните дневни температури на воздухот ќе се искачуваат во интервалот од 18 до 25 степени.

Во Скопје и околината времето ќе биде сончево и топло додека во попладневните часови ќе има локално повеќе облачност. Ќе има услови и за локален краткотраен дожд и ретки грмежи а ќе дува и слаб до умерен ветер од јужен правец, истиот повремено ќе засилува. Максималната дневна температура ќе се искачи до околу 24 степени.

Во текот на следните неколку денови времето ќе биде променливо облачно со сончеви периоди и со повремен локален дожд, особено од пладневните часови па натаму. Локално ќе има и нестабилна облачност проследена со дожд, грмежи и засилување на ветерот. Не се исклучува можноста и за локално НЕВРЕМЕ проследено со електрични празнења и појава на град.