Славчо најавува сончево и топло време – попладне дожд, грмежи и засилен ветер

Времето денеска во Македонија ќе биде сончево и топло со мала локална облачност. Попладне и во вечерните часови на повеќе места ќе биде нестабилно со пороен дожд, грмежи, засилен ветер и услови за локална појава на град. Температурите ќе се искачуваат во интервалот од 24 до 31 степен.

Во Скопје и околината времето ќе биде сончево и топло со мала облачност. Попладне ќе биде нестабилно со услови за локална појава на пороен дожд, грмежи и засилен ветер. Температурата ќе се искачи до околу 28 степени.

Потоа од утре условите за нестабилност ќе бидат помали иако не се исклучува можноста за краткотраен дожд и грмежи, особено во планинските предели. Исто така утре ќе дува умерен, повремено засилен ветер од западен и од северозападен правец а температурите ќе бележат тенденција на пад и ќе се искачуваат во интервалот од 20 до 28 степени.