Славчо најавува студено време, викендов снег, а од наредната недела повеќе сончеви периоди

Денес времето во Македонија ќе биде променливо облачно со сончеви периоди и со слаб до умерен, а долж повардарието засилен ветер од северен и од северозападен правец. Доцна попладне и во вечерните часови ќе има услови за локално провејување на снег. Температурите ќе се искачуваат во интервалот од 2 до 11 степени.

Во Скопје и околината времето ќе биде променливо облачно со умерен до засилен ветер од северен правец. Максималната температура ќе се искачи до околу 8 степени.

Потоа за време на викендот времето ќе биде променливо облачно и студено со сончеви периоди и со умерен до засилен ветер од северен правец.

Утре ќе има услови за локално провејување на снег. Минималните температури ќе се спуштаат во интервалот од -6 до 3 степени, додека максималните ќе се искачуваат во интервалот од 0 до 8 степени.

Повеќе сончеви периоди се очекуваат во првите денови од следната недела.