? ? Славчо најавува топло време, но и поројни дождови

Денес во нашата држава времето ќе биде сончево и топло со мала до умерена локална облачност, ќе дува и слаб до умерен ветер од променлив правец.

Во попладневните часови и тоа особено на запад, југ и југозапад ќе има услови за локален краткотраен пороен дожд и услови за појава на поретки грмежи. Максималните дневни температури на воздухот ќе се искачуваат во интервалот од 18 до 25 степени.

Во Скопје и околината времето ќе биде сончево и топло со мала до умерена облачност. Во попладневните часови има помали услови за локален краткотраен дожд. Ќе дува слаб до умерен ветер претежно од североисточен правец. Максималната дневна температура ќе се искачи до околу 23 степени.

Во следните денови во попладневните часови ќе има услови за локален краткотраен пороен дожд. Не се исклучуваат и грмежи, најпрвин претежно по планинските места.

Одсега гледано понестабилно време и на повеќе места со врнежи се очекува да биде на средината од оваа недела.

Според моменталните анализи, услови за локален краткотраен дожд и поретка појава на грмежи ќе има и за првомајските празници.